NANGHINAUT na lamang si Atty. Nena Santos, counsel nilang retired Col. Raul Supiter ug kanhi GenSan City police director ug Lt. Col. Henry Biñas nga aksyunan sa City Prosecutor ang motion nga gisumite aron sa pagbawi sa warrant of arrest sa iyang mga kliyente.
Gipamugos ni Santos nga may ‘negligence’ sa bahin sa piskal ug city prosecutor tungod dugay na nga na-dismiss ang kaso niadtong Agosto 10, 2020.
Gidugang niini nga dili mahimong dakpon ang iyang mga kliyente tungod wala kini sala ug namali lang ang City Prosecutors Office sa mosyon nga gipagawas.
Nagbahad pa kini nga basin iyahang sumbalikan ang City Prosecutors tungod sa mali nga ilang nabuhat.
Miaging adlaw, gilauman ni Atty.Santos nga dunggon ang iyang mosyon nga mali ang impormasyon nga gipagawas ug bawion ang warrant of arrest sa iyang kliyente.
Dugang pa niini nga tulo ka batch ang dismissal sa maong kaso una niadtong Enero 14, 2020 sunod August 10, 2020 ug Setyembre 14, 2020.
Ang kaso may kalabutan sa nabungkag nga investment scheme PlanProMatrix/Pulis Paluwagan Movement kun PPM asa gatusan ka pulis sa region-12 ang nabiktima.
