Nakasueod sa ‘Top Performing Congressmen’ sa Western Visayas si Aklan 2nd District Congressman Ted Haresco nga nakaangkun it kabilugan nga 58% puntos.
Raya hay base sa datos it survey it RP-Mission and Development Foundation, Inc., (RPMD) nga ginhiwat ku Agosto 1 hasta 10, 2021.
Ro nasambitan nga survey hay may kabilugan nga 10,000 respondents ag ginakutana kanda kung aprubado sa anda ro pamaagi it pagpamalakad it andang district representative sa anang trabaho bilang sambilog ka Kongresista.
Nagapanguna sa listahan si Rep. Lorenz Defensor it Iloilo 3rd District, nakasueod man si Antique Representative Congresswoman Loren Legarda, 3rd District Negros Occidental Rep. Francisco Benitez, ag 5th District Representative it Iloilo nga si Rep. Paul Tupas./JIL B. LACSON
