Nasagip ng mga otoridad at ng City Social Welfare Department ng Tarlac City sa isang hotel sa Barangay San Isidro ang 11 mga kababaihan na nasasangkot umano sa prostitusyon.
Tatlong kabataan o mga Children In conflict with the law o CICL ang naaresto sa operasyon na itinuturong nagbubugaw umano sa mga biktima.
Sa inisyal na imbestigasyon ng pulisya, ang tatlong kabataang suspect ang nag re-recruit umano ng mga babae para magbigay ng panandaliang aliw sa mga parokyano kapalit ng pera.
Sasampahan ang mga ito ng kasong paglabag sa R.A. 10364 o ang Anti Trafficking in persons Act.
