Nakapaghatid pa ng karagdagang tulong ang Department of Social Welfare and Development (DSWD) ng 1,660 family food packs sa lugar ng Batanes na sinalanta ng Bagyong Leon.
Ayon sa DSWD Region 2, 500 food packs ang naipadala gamit ang C295 Aircraft ng Philippine Air Force sa ilalim ng pangangasiwa ng Office of the Civil Defense (OCD).
Bukod dito, 1,160 food packs rin mula sa Villamor Airbase ang ibiniyahe sa Batanes gamit ang C-130 Aircraft.
Naging matagumpay naman ito dahil sa tulong ng mga pulis, militar, at Philippine Coast Guard (PCG).
