Patuloy na isusulong ng Philippine Health Insurance Corporation (PhilHealth) ang full digitalization ng kanilang sistema bago matapos ang administrasyong Marcos.
Ayon kay PhilHealth President Emmanuel Ledesma Jr., layunin nitong mapalawak ang access sa mga serbisyo lalo na sa mga malalayong lugar.
Dagdag pa niya, nakatutok ang ahensya sa pakikipagtulungan sa Department of Information and Communications Technology (DICT) para sa mabilis na proseso ng automation.
Sa kasalukuyan, nasa procurement phase na ang proyekto, at kasama sa plano ang paggamit ng Artificial Intelligence (AI) para mabawasan ang fraud.
