Umabot sa 23 ang nasawi matapos masunog ang school bus sa Thailand lulan ang mahigit 40 mga mag-aaral at guro.
Ayon kay Prime Minister Paetongtarn Shinawatra nasa field trip ang mga estudyante mula sa lalawigan ng Uthai Thani.
23 na bangkay ang narekober at 20 sa mga ito ay mga estudyante.
Kaugnay nito, sinabi ng ilang nakaligtas na guro, mabilis kumalat ang apoy.
Gayunpaman, 16 na mag-aaral at tatlong guro ang patuloy pang nagpapagaling habang nag-iimbestiga ang mga otoridad sa posibleng rason ng nangyaring sunog.
