GILUSAD sa kapulisan ang mas agresibong operasyon batok sa nabilin nga miyembro sa gun for hire group sa GenSan.
Kini ang pamahayag ni Police Col. Nicomedes Olaivar Jr., director sa City Police Office (GSCPO) dungan sa pagkamatay atol sa operasyon sa duha ka miyembro sa maong grupo.
Matud ni Olaivar Jr., gipahugtan na nila ang seguridad pinaagi sa pagbutang og dugang ihap sa PNP ug pagpakusog sa intelligence monitoring.
Dugang sa opisyal sukad paglingkod niya sa pwesto usa katuig ang milabay duha na ka grupo sa gun for hire ang nabungkag sa gilusad nga operasyon.
Pahimangno niya sa mga nabiling miyembro sa grupo nga molayas na lang sa GenSan tungod dili sila moundang masikop ang ubang miyembro.
Una nang giangkon ni Olaivar Jr. nga dunay gun for hire sa GenSan human migula nga miyembro sa grupo ang mipusil-patay sa negosyanteng babaye sa Barangay Calumpang nakalabay’ng semana. I Richel Gubalani
