Gi-kustodiya na sa kapulisan sa San Fernando Police Station ang 60-anyos nga adunay problema sa pangisip nga gitumbok nga misunog sa merkado sa San Fernando niadtong kadlawn sa Hulyo 11, 2024.
Si Andoy, kinsa kanhi seaman ug nagpuyo sa Brgy. North Poblacion sa maong lungsod, matud sa mga nakasaksi, pasado alas 3 sa kadlawn atol sa pagpangabli sa merkado, wala na nakamatikod ang mga barangay tanod nga nakasulod si Andoy, gamit ang lighter miduslit kini sa sako sa lamas ug trapal sa usa ka utanonan.
Dali nga mikuyanap ang kayo, hinungdan nga ang maong sunog midanyos og kapin 11-milyones pesos, ug miugdaw sa kapin 80 ka mga tindahan sa gulayan, prutasan, karenderya, ug uban pa.
Nasayran nga si Andoy adunay problema sa pangisip, sanglit misunog kini sa ilang kaugalingong panimalay ingon man ang ilang ancestral house.//
