May problema umano sa pag-iisip ang lalaking naiulat na umakyat sa tower ng National Power Corporation (NAPOCOR) sa Purok Tagumpay, Brgy. Inagawan, Puerto Princesa City bandang alas-nuwebe ng umaga nitong Biyernes, ika-12 ng Hulyo.
Ayon kay Kapitan Benjamin Salazar, ito ay kinilalang si Rene Baillo nasa hustong gulang at residente rin sa barangay.
Agad naman daw rumespondi ang mga recuers ngunit lalo pa itong umakyat ng mataas.
Ang lalaki ay kusa rin umanong bumaba matapos kausapin ng kanyang magulang.
Dahil dito napilitang mag-emergency shut-off ang NAPOCOR dahilan kaya nawalan ng kuryente ang limang munisipyo sa Sur ng Palawan kabilang na ang bayan ng Aborlan, Narra, Sofronio Espanola at Bataraza at Brooke’s Point.
