Ipauubaya na ng Botolan Municipal Police Station sa ibang ahensya ng pamahalaan ang pagtukoy sa mga indibidwal na responsable sa paggawa at maramihang bentahan ng pekeng sigarilyo sa Zambales at iba pang probinsya.
Ito ay pagkatapos na mahuli at masampahan ng kaso ang apat na indibidwal na suspek sa pagbibenta ng mahigit isang milyong halaga ng yosi sa ibat-ibang lugar sa bayan kung saan naaresto.
Ayon kay Botolan Pnp Chief Pmaj. Rolando Ballon, sa isang bodega sa North Luzon Expressway kinukuha ng mga suspek ang milyon-milyong halaga ng sigarilyo galing maynila at tsaka ibibenta sa ibat-ibang probinsya.
Ganunpaman, tiniyak ni Ballon na nagsimula nang magtrabaho ang iba pang enforcement agencies para maaresto ang iba pang sangkot sa paggawa at pagbebenta.//Christian Andres-BNFM OLONGAPO
