Pinaalalahanan ng Manila International Airport Authority (MIAA) ang mga bumibiyahe na sundin ang airport safety protocols sa gitna ng napapabalitang pagkalat ng Streptococcal Toxic Shock Syndrome (STSS), isang bacterial infection, sa Japan.
Ayon kay MIAA spokesman Chris Bendijo, ugaliin pa rin ang pagsusuot ng facemask, at takpan ang bibig kung uubo at babahing, at maghugas ng kamay bago kumain.
Ani Bendijo, hindi pa sila nakatatanggap ng report ng STSS infection sa bansa.
Sa kabila nito, naka-post na aniya ang mga health advisories sa mga terminal ng Ninoy Aquino International Airport (NAIA) para mag-raise ng awareness.
