BAKUNAHAN na ang 646 ka empleyado sa pribadong kompanya ilawom sa South Cotabato Filipino-Chinese Chamber of Commerce, Inc. (SCFCCI).
Kini dungan sa duha kaadlaw nga pagbakuna sa mga nasangpit kauban ang St. Elizabeth Hospital. Una nang, gilaoman nga mabakunahan ang mga empleyado sa maong mga kompanya sulod sa lima kaadlaw.
Kahibaloan, Lunes sa buntag sakay sa flight sa Philippine Airlines (PAL) naabot sa GenSan ang 8,000 vials sa Sinovac vaccine nga gipalit sa SCFFCI. Matud ni Cyril Ang, president sa SCFCCI tumong sa pagpalit sa bakuna ang protektahan ang mga empleyado ug mapadayon ang dagan sa ekonomiya luyo sa Covid-19 pandemic.
Luyo sa pagbakuna, gisunod sa grupo ang priority list gikan sa gobyerno ug duha ka dose sa bakuna ang ihatag sa mga empleyado. ( Richel Gubalani)
