Nagmalampuson ang gipahigayon nga Medical Surgical Operation sa duha ka Brgy. karong adlawa.
Gipasiugdahan sa kagamhanan sa syudad San Carlos ang libreng tuli, ibot sa ngipon ug tupi sa buhok pinaagi sa Ospital ning dakbayan uban ni Cong, Gerardo P. Valmayor Jr liga ng mga Brgy San Carlos Chapter ug 79th Infantry Masaligan Batalion, 3rd Infantry Division sa Philippine Army.
Sa laing bahin anaa usab ang presensya ni City Mayor Renato Gustilo Jr. aron masuta ang kahimtang sa maong akitibidad.
Una ang Brgy. Buluangan nga adunay 36 sa tupi, 108 sa tuli ug 87 sa dental kaganihang buntag pagkahapon gidagsa usab sa 35 nga nagpatupi, 70 nga nagpatuli ug 35 sa dental sa Brgy. Guadalupe.
Si City Hospital Administrative Officer Charlen Pol Bistis Anlap nagpasalamat sa mga partner agencies, City Health Office, City DRRM Office, Philippine National Police nga mitabang sa maong aktibidad.
