Gikonsidera nga kadaugan sa Butuan City Police Office sa kasamtangang kampanya kontra iligal nga droga sa dakbayan, ang kalampusan sa duha ka managlahing operasyon miresulta sa pagka-aresto sa duha ka suspek og pagka-kumpiska sa balor 34 mil pisos nga shabu.
Nagmalampuson ang gilusad nga unang search warrant alas-9:00 sa gabie, sa City Drug Enforcement Unit o CDEU sa Butuan City Police Office, sa Purok Repolyo sa Barangay Golden Ribbon, Butuan City.
Naaresto sa operasyon ang sa 31-anyos nga ulitawo nga si Renato Maturan Biñas, usa ka High Value Individual (HVI) og Regional Top Priority Target nga kanhi nang naaresto sa kapulisan sa BCPS 1 og sa PDEG tungod gihapon sa iligal nga droga. Nakuha gikan kaniya ang tres gramos nga shabu, mibalor og P20,400.00
Ang lain pang malampuson nga operasyon, natigayon sa Purok 8 sa Barangay Ambago alas-2:35 sa kaadlawon. Naaresto sa kapulisan sa BCPS 3 SDET, sa pakig-alayon sa RIU13, PDEA, RSET og PDEA RO13, si alias “Kev”, 31-anyos nga helper.
Kapin kon kulang 2 gramos sa suspected shabu ang nakuha gikan sa posisyon ni alyas ” Kev” nga mikantidad og P13,600
