Nakumpiska sa mga sakop Davao City Police Office ang kapin 19 milyon kantidad sa gituohang shabu sulod sa upat ka bulan nga kampanya batok iligal nga droga sa dakbayan sa Davao.
Malampusong nasikop sa kapulisan ang 611 ka drug suspek atol sa 489 ka managlahing anti-illegal drug operations gikan Enero 1 hangtod Mayo 3 ning kasamtangang tuig.
Atol sa operasyon, nakumpiska sa mga dinakpan ang kinatibuk-ang 2,876.36 grams sa gidudahang shabu nga mubalor sa Php19,559,300.00.
Samtang sa marijuana, mutimbang og 1,525.39 grams nga mubalor usab sa Php183,047.00.
Paslak na karon sa prisohan ang maong mga dinakpan ug mukabat sa 720 ang naduso na nga kaso sa korte batok kanila.
