PATAY ang 56-anyos nga Ginang samtang samdan ang anak niini human giitsahan og granada ang gisakyan nilang Elf Truck sa Purok Pantukan 1, Brgy. J.P Laurel, Panabo City, Davao del Norte alas-6:50 kagabii.
Sa report sa Davao del Norte Provincial Police Office, duha ka wala mailang suspek sakay sa motorsiklo ang nag-itsa og granada sulod sa truck nga gilayong nibusikad.
Human sa gihimo, paspas nga niikyas ang mga suspek.
Sakay ang biktimang si Loreta Saga Abapo,56, residente sa Purok 2, Brgy New Opon, Magsaysay, Davao del sur nga nakahiagom og grabeng mga samad nga daling gidala sa Carmen District Hospital apan nakabsan.
Ang anak usab niining si Yushehito Abapo nga maoy nagmaneho samdan usab ug kasamtangang ginatambalan.
Padayon ang gihimong imbestigasyon sa kapulisan sa Panabo City.
