NAKA-KOLEKTA og naa sa P460 milyon gikan renewal sa business permit ang lokal nga panggamhanan sa GenSan.
Kini ang gibutyag ni Zenaida Eturma, labaw sa City Treasurer’s Office (CTO) atol sa pag-atubang niini sa sesyon sa konseho sa GenSan.
Matud ni Eturma, ang pagsaka sa maong kantidad sa koleksyon ang gumikan sa pagpatuman sa LGU sa electronic Business One Stop Shop (eBOSS) sa paglukat og business permit.
Samtang, misaka usab ang koleksyon sa CTO sa real property tax ug ubang taxes sa siyudad.
Sa labing ulahing datus usab nga gipagula sa Business Permit and Licensing Division (BPLDO) naa sa 11,197 business permit ug naka-issue og 278 bag-ong business permits karong tuiga. I Richel Gubalani
