PAIGO pa alang sa mga sakyanan ang impounding area sa traffic enforcement unit sa Barangay Buayan, GenSan, kini ang gikompirma ni PMajor Oliver Pauya, hepe sa buhatan.
Apan dungan sa iyahang pamahayag gibutyag niini nga posibleng sa sunod tuig mapuno na ang maong lugar tungod kada adlaw daghan ang ma-impound nga sakyanan gumikan sa mga insidente sa bangga sa GenSan.
Sa karon gipaningkamotan sa opisyal nga mapaabot sa lokal nga panggamhanan ang kalabutan niini aron mapangitaan og mas dakong espasyo.
Bisan pa man niini, padayon gihapon ang ilahang pagpanakop ug pag-impound sa mga sakyanan sa badlongong mga driver nga walay igong dukomento sa pagmaneho ug lakip na ang adunay mga bayolasyon. I Enamie Mogpon
