Naga pahaum eon ro Municipal Disaster Risk Reduction and Management Office – MDRRMO Kalibo para sa masunod nga training kaangot sa Integrated Planning Course On Incident Command System IPICS.
Naging madinaeag-on ro tatlong adlaw nga Basic Incident Command System BICS Training ku Pebrero 5-7, 2024 sa Barangay Andagao, Kalibo, Aklan.
Ro mga nagpartisipar sa tatlong adlaw nga training hay ro mga empleyado it LGU Kalibo, DEPED – Kalibo, Kalibo Municipal Police Station, Bureau of Fire Protection – Kalibo, Provincial Disaster Risk Reduction and Management Office ag iba pang miyembro it Incident Management Team IMT it MDRRMO nga naga-responde sa tanan nga klase it emerhensiya.
Ro Basic ICS hay sangka On – Scene Disaster Response Tool nga ginagamit para sambilugon ro mga Inter – Agency Structures it mga ahensya nga maga bueoligan para sa sambilog nga misyon pag abot sa Disaster Operation.
Samtang, ro training sa IPICS hay makabulig sa mga miembro it IMT para mag plano ag maghimo it desisyon bago mag-responde sa sangka emerhensiya ag kalamidad. // ANN DESLENE SALAZAR
