Nilinaw ni Senator Sonny Angara na walang kasiguraduhan na maipapasa sa kanyang itinakdang deadline ang Resolution of Both Houses No. 6.
Ayon kay Angara, ‘di madaling makakuha ng labingwalong boto lalo na’t maituturing na “challenging” at “difficult” ang pagtalakay sa economic provision.
Dagdag pa niya, hindi siya makapagsasalita para sa kanyang ibang mga kapwa senador tungkol sa kanilang posisyon dito.
Sa kabila nito, tiniyak naman niyang paninindigan nila ito ni Senate President Migz Zubiri at Senate President Pro Tempore Loren Legarda bilang sila ang naghain nito.
Maalala, ayon kay Angara, ang kanyang personal deadline para sa pag-amyenda ng economic provision ng Konstitusyon ay sa darating na Oktubre.
#
