KORONADAL CITY – NASA 96 na mga magsasaka at mangingisda sa apat na mga barangay sa bayan ng Surallah, South Cotabato ang nakabenepisyo sa Fuel Discount Card program ng Department of Agriculture o DA Region 12.
Ang mga benepisyaryo ay residente ng Barangay Canahay, Barangay Little Baguio, Barangay Libertad at Lamsugod. Ito ay first batch ng distribution ng Fuel Discount Card na nagkakahalaga ng P 3,000 na maaaring gamitin sa pagbayad ng gasolina o diesel para sa kanilang mga makinarya sa mga Accredited Fuel Station ng DA 12.
Layon ng naturang programa na matulungan ang mga magsasaka at mangingisda na apektado ng pagtaas ng presyo ng mga produktong petrolyo.
