Ro dating makitid ag magutok nga Aklan West Road hay ginpaeapad eon makarun it Department of Public Works and Highways (DPWH) Aklan District Engineering Office, para makatao it mas maayos ag salbar nga daean padueong sa kaumwaran.
Ro P34.2-million project hay ginaeakipan it pagkonkreto it 541.80-lineal meter Portland Cement Concrete Pavement (PCCP) road.
Ro road widening ngara hay nakataeana nga magtao it kasoehayan ag mabuksan ro potensyal nga pang-ekonomiya it Aklan.
Magatao man raya it konbinyente sa mga lokal ag turista nga makabiyahe it madasig ag salbar, magabukas it mga negosyo, eco-tourism ag paghatud it produktong pang-agrikultura.
Magatao man ro maeapad nga karsada it madasig nga access sa mga manami nga baybayon, busay ag iba pang tourist spots nga maka engganyo sa mas maabung bisita nga makatao it kita sa lokal nga ekonomiya ag maka krear it bag ong trabaho. // ANN DESLENE SALAZAR
