Nalisdan ang mga rescuers sa pagretrieve sa patay’ng lawas sa usa ka minero human nga natabunan sa dihang nahitabo ang landslide sa Purok Bagong Silang, Brgy. Tandik, Maragusan, Davao de Oro niadtong milabay’ng Enero 18, 2024.
Giila ang biktima nga si Kayle Dacer Muñoz anaa sa 22 anyos.
Nasayran nga gumikan sa kalisod sa pagretrieve sa patay’ng lawas milungtad og 18 ka oras ang nahimong operasyon.
Nalubong buhi sumala pa ang maong minero sa gibana-banaang 8 – 10ft. nga gilawmon sa yuta.
