Wala na natabang sa mga doktor sa SPMC ug nabugtoan sa kinabuhi ang usa ka indibidwal human nga natabunang buhi sa nahitabong pagdahili sa yuta sa Purok 5, Km8, Apeque, Brgy Tigatto, ning syudad pasado alas-8:00 sa gabii, Enero 18, 2024.
Ang namatay nga biktima nailang si Ernesto Basites Pacinio, 43, nga nanimuyo sa nasangpit nga lugar. Samtang samdan usab sila Jose Jorame Delatore, 49, ug Roel Olasiman, 51 anyos susamang nanimuyo sa maong lugar.
Nasayran nga ang mga biktima nag-inum sa panimalay ni Olasiman sa dihang kalit na lamang midahili ang yuta.
Dali pang gidala sa Southern Philippine Medical Center si Pacinio sa mga miresponding Brgy. Tanod sa Tigatto, apan nabugtoan gihapon kini sa kinabuhi.
