LEGAZPI CITY – Pigtututukan ngunyan kan lokal na gobyerno nin Camalig an roof restoration sa “St. John the Baptist Parish” na dapat makalaog sa conservation standard.
Ini makalihis na magkaigwa nin pag-oolay an Parish Priest na si Rev. Fr. Ricardo Divinagracia asin an LGU manungod sa tulos na pag-irahay kan atop kan simbahan sa paaging mape-preserve an historical asin architectural value kaini para sa masunod na mga henerasyon.
Sa ngunyan, naglalaom an simbahan na igwang ahensya-nasyonal na matao nin tabang pag-abot sa suportang teknikal nganing maabot an saindang plano, mantang an LGU man, pigtututukan an pagkalap nin pondo asin mga volunteer na structural asin electrical engineers nganing mapunan na an an konstruksyon.
