LEGAZPI CITY – Arestado kan mga otoridad an sarong lalaki sa Angat Buhay Kenny Village, Brgy. Mauraro, banwaan kan Guinobatan, Albay sa paagi kan joint operation kan Guinobatan PNP asin CIDG Albay.
An akusado, sarong 46 anyos na lalaki asin residente kan nasambit na lugar.
Susog sa report kan pulisya, naarestar ini sa kusog kan mandahamiento de aresto para sa kasong qualified theft na inisyu kan RTC Branch 38, Lingayen, Pangasinan.
Maabot man sa PHP40,000 na piyansa an inirekomendar kan korte para sa saiyang temporamenteng libertad.
Sa ngunyan, kapot ini kan nasambit na hepatura para sa dokumentasyon asin magkakanigong disposisyon.
