Ginkilala kag ginpasalamatan sang DepEd Capiz ang ila partners kag stakeholders sa ginhiwat nga 2023 Recognition and Appreciation Program sa El Circulo Convention Center sa Pueblo de Panay kahapon sang Miyerkules, Disyembre 6.
Kun sa diin nalakip ang 107.3 Brigada News FM Roxas sa mga ginpasidunggan sang DepEd-Capiz bilang ila nangin katuwang sa mga programa, proyekto kag mga aktibidad para sa quality basic education sa bug-os nga probinsya.
Ang paghatag sang awards ang ginpangunahan mismo ni Schools Division Superintendent Miguel Mac Aposin kaupod sanday Provincial Information Officer Atty. Luvim Amores nga nangin tiglawas ni Capiz Governor Fredenil Castro, Vice Governor Jaime Magbanua kag Board Member Thea Faith Reyes.
Congratulations, sa aton Ka-Brigada!
