Dakop sang mga otoridad ang tatlo ka tripulante nga nagapatigayon sang iligal nga pagpangisda sa atubang sang Mantalinga Island, Baybay, Roxas City takna alas 2:40 kahapon sang Martes, Nobyembre 21.
Ginkilala ang mga nagkaladakpan nga sanday Joel Gazar, 56-anyos, boat captain; Judy Dela Cruz, 36-anyos; Jeric Alayon, 32-anyos, mga crew kag lunsay mga residente sang Brgy. Libas sining syudad.
Narekober sa ila paghinakop kag kontrol ang isa ka unit sang pump boat, motor engine, fishing gear kag 50 kilos sang nagkalain-lain nga sahi sang isda.
Ginabanta nagabalor tanan sang P587,500 ang mga nakumpiskar nga kagamitan kag isda.
Sa karon, yara sa kustodiya sang City Fishery/Agriculture ang mga nagkaladakpan para sa nagakaigo nga disposisyon. | Judy Ann Juare
