Magsisilbing legislative caretaker si House Speaker Martin Romualdez ng ikatlong distrito ng Negros Oriental at maging sa ikatlong distrito ng Palawan.
Ayon kay House Secretary General Reginald Velasco, mananatiling tagapangalaga ng Negros Oriental 3rd District si Romualdez dahil sa pasya ng Commission on Elections (Comelec) na kanselahin ang special elections para sana punan ang nabakanteng posisyon ng pinatalsik na Congressman na si Arnolfo Teves Jr.
Una nang pinagtibay ng Kamara ang House Resolution 1431 ni Negros Oriental 2nd District Rep. Manuel Sagarbarria na humihiling sa Comelec na irekonsedera ang special elections na dapat sana ay sa darating na December 9.
Bukod dito, sinabi rin ni Velasco na ang House Speaker rin ang caretaker ng Palawan 3rd District kasunod ng pagpanaw ni Congressman Edward Hagedorn.
