Pwersahang pinagtatrabaho at pinagbabantaan pa ang buhay ng ilang Chinese sa isang POGO na sinalakay sa Pasay.
Ang masaklap dito, ibinenta umano sila sa POGO na parang kalakal na nagkakahalaga ng kalahating milyong piso.
Isinawalat din nila na karamihan sa kanila ay biktima ng human trafficking at kidnapping.
Base sa salaysay ng mga biktima, nabaon sa utang at inalok ng trabaho ang mga ito kaya nakapasok sa nasabing POGO.
Sinabi ng mga otoridad na may banta umano ng pananakit kung magsusumbong ang mga biktima.
Iniimbestigahan na ng Presidential Anti-Organized Crime Commission ang insidente lalo na’t nakakabahala ang mga salaysay ng mga biktima.
