LEGAZPI CITY – Bako man direktang aktibidad kan gobyerno an nakalihis pa sanang Exercise Sama-sama 2023 Albay bilang pagpreparar sa pagprotehir sa West Philippine Sea.
Ini an tinawan-duon ni BRP Antonio Luna (FF-151) Commanding Officer Capt. Clyde Domingo, kun sain para ini sa mas lalong pagpapakusog bako sana kan saindang kapasidad sa war-fighting kundi pati na man sa iba pang aspeto.
Apwera kaya sa pagpokus sa pagtatao nin mas ararom na kaaraman sa multi-domain warfare kasarabay an dapit sa anti-submarine, anti-air warfare, surface warfare asin electronic warfare, para man ini sa pagtatao nin manlaen-laeng serbisyo siring kan humanitarian assistance, disaster response, subject matter exchange programs asin iba pang mga programa.
Mientrastanto, nagpasalamat si Domingo sa bilog na Philippine Navy nin huli ta dakulang oportunidad ini nganing makanuod kasabay an regional allies asin partners.
