LEGAZPI CITY – Nagkondusir kasuhapon an Albay Police Provincial Office (PPO) kasabay an mga LGU asin mga madaralagang kandidato sa Barangay asin Sangguniang Kabataan Election (BSKE) 2023 nin Unity Walk Interfaith Rally and Covenant Signing asin forum sa banwaan nin Jovellar asin Guinobatan.
Enot na isinagibo an aktibidad sa Jovellar na inatendiran kan mga kandidato sa barangay.
Ikinondusir man pagkahapon sa Guinobatan an kaparehong aktibidad kun saen nag-atendir si PNP Bicol Regional Director PBGen. Westrimundo Obinque kasabay si Mayor Paul Chino Garcia, COMELEC asin mga kandidato.
Obheto kan aktibidad na an gabos na kandidato maging onesto asin mayong kariribokan sa barangay ngunyan na election.
Piglalaoman man kan APPO na makikisumaro asin masuporta an mga kandidato na mamantenir an pace orden sa banwaan.
