Arestado ang anay drug surrenderee sa ginkasa nga drug buy bust operation sa Brgy. Cudian, Ivisan, Capiz.
Ginkilala ang nadakpan kay Richard Buena Colabraez, 36-anyos, residente sang Brgy. Agmalobo sa nasambit nga banwa.
Narekober sa paghinakop ni Colabraez ang tatlo ka sachet sang ginasuspetsahan shabu, P500 nga buy bust money kag isa ka motorsiklo.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang nadakpan.
Sa karun, nagapabilin ini sa kustodiya sang Ivisan PNP para sa nagakaigo nga disposisyon. | Judy Ann Juare
