LEGAZPI CITY – Maabot sa 200 na mga bakanteng trabaho an naghahalat asin pig-opresir sa pigkondusir na job fair kasuudma sa sarong mall sa syudad kan Legazpi.
Ini an sinabi ni Tomichi Cabiles, Labor Employment Assistant kan Public Employment Service Office (PESO) Legazpi sa Brigada News FM Legazpi.
Segun kay Cabiles, nasa 500 na mga aplikante an piglaoman nindang mag-apply, kun saen walong kompanya an naghahalat sainda.
Kabale sa mga bakanteng trabaho iyo an cashier, managerial, customer service agent, inventory assistant, sales assistant, stock clerk, baggers asin kadakol pa.
Dakulang bagay su boot ini para sa mga warang trabaho asin mga minagradwar pa sana sa kolehiyo na matawan sinda ki maray na trabaho.
Dugang pa digdi, 100 na mga kompanya an nagkua nin on-the-spot-hired. Apwera pa kaini, nagsabay man an TESDA Provincial Office sa aktibidad nganing magtao nin mga serbisyo asin may mga pig-opresir pang kurso sa mga interesadong aplikante.
