ANDAM na ang Comelec-Gensan sa filing of certificate of candidacy kun (COC) nga magsugod sa alas otso sa buntag hangtod alas singko sa hapon sa Agosto 28 hangtod Setyembre 2 sa kasamtangan nga tuig.
Alayon niini gipahinomdom ni Bai Zaguerra Iskak Election Assistant II sa Comelec-GenSan ang mga DO’s and Don’ts sa filing. Kinahanglan mogamit og sakto nga form nga available sa Comelec office ug anaa sab sa ilang website.
I-fill up og husto ang atubangan ug likod sa form. Ang mag-file og COC kinahanglan nga residente sa Barangay kung asa kini modagan. Dugang pa ni Iskak, bisan pula ang kalendaryo sa Agosto 28 padayon ang filing of COC.
Samtang karong adlawa Agosto 25 takda nga makigpulong ang mga opisyal sa comelec sa General Santos City Police Officers aron hisgotan ang mahimong latag sa seguridad sa dakbayan pagsugod sa filing sa COC hangtod nga kini mahuman tumong aron mamintinar ang kahapsay ug kalinaw sa syudad. I Enamie Mogpon
