Gin-inagurahan na ang Civil Registration Services Outlet sang Philippine Statistics Authority Capiz kag Unisys subong nga aldaw sang Biyernes, Agosto 11, sa Sitio Uno Pueblo De Panay.
Ang nasambit nga kahiwatan ang ginpangunahan ni Usec. Claire Dennis Mapa, National Statistician and Civil Registrar kag Mr. Edwin Angoluan, Client Delivery Executive-Unisys.
Nahibaluan nga ini na ang ika-lima nga CRS outlet sa Western Visayas. Paagi sini mangin madasig, mahapos, malapit kag kumbinyente na ang proseso pareho sang pagkuha sang Authenticated Live Birth, CENOMAR kag iban pa nga serbisyo sang PSA. | Judy Ann Juare
