Nasunog ru sangka panimaeay nga himo sa concrete materials sa Brgy. Calizo, Balete, Aklan kahapon.
Sa inisyal nga imbestigasyon it Bureau of Fire Protection (BFP)-Balete, gina panag-iyahan ni Leonora Barrientos, 63 anyos, ru nasunog nga panimaeay.
Ua it nabilin nga mga kagamitan ag gina banabanang naga-abot sa P300,000 nga danyos sa natabong sunog.
Ala 1:56 sa hapon idineklara it BFP-Balete nga fire out.
Indi pa matumod it mga rumesponding bombero ru ginhalinan it sunog rason nga padayon pa nga gina himo ru maid-id nga imbestigasyon.//MARIVIC Y. ILIN
