NAKURAT ang pipila ka mga personahe sa Fatima Police Station human nga kusog ang ilang nadungog nga lagapok tungod sa pagbangga sa duha ka motorsiklo sa mismong atubangan sa ilang buhatan.
Subay sa report gikan sa Traffic Enforcement Unit Gensan nga pulos ginasubay sa duha ka motorsiklo ang kadalanang sakop sa Fil-Am Road Barangay Fatima sa dihang pag abot sa maong lugar kalit nga nag bangga ang duha ka mga motor.
Tungod niini angkol ang duha ka driver nga silang Benedicto Puton, hamtong ang panuigon ug Junmar Linao apil usab nga angol sa maong insidente Henry Rosal nga residente sa Barangay Calumpang ug Barangay Bawing, Gensan.
Pulos gipangdala sa balay tambalanan ang mga biktima samtang gikustodiya na sa TEU ang duha ka mga motor nga nalambigit sa maong insidente. I MJ Fernandez
