Maging si US Defense Sec. Lloyd Austin ay nababahala na rin sa patuloy na pangha-harass ng China sa Philippine Coast Guard.
Iniulat ng Pentagon ang naging reaksyon ni Austin kung saan ay inilarawan niya ito bilang isang ‘coercive and risky behavior’ na nakadirekta sa mga barko ng Pilipinas.
Ginawa ni Austin ang pahayag matapos ang isang phone call sa pagitan ng kaniyang counterpart dito sa Pilipinas na si Defense Sec. Gibo Teodoro.
Samantala, natalakay din ng dalawa ang mga nilalaman ng Security Sector Assistance Roadmap at ang General Security of Information Agreement.
Inasahan namang personal na magpupulong ang dalawang defense chiefs.
