Walay derektang epekto ang bakuna kontra COVID-19 sa pagkamatay sa duha ka tawo sa Davao City nga unang gidudahang tungod sa adverse effect sa bakuna human sila naturukan, kini subay sa local committee nga nag-imbistiga sa maong kaso.
Sumala kang Dr. Josephine Villafuerte, COVID-19 vaccination cluster head, “coincidental” lamang ang pagkamatay sa dha ka biktima base sa assessment sa Local Adverse Effects Following Immunization (AEFI) Committee nga unang gimugna sa City Government of Davao sa wala gisugdan ang vaccination program.
Dugang sa opiayal nga sa karon wala pay reported vaccine-related death sa dakbayan.
Ang AEFI Committee namugna niadtong Pebrero karong tuiga nga gilagkuban sa mga pediatrics, neurology, virology/microbiology, epidemiology, immunology, forensic pathology ug ubang medical experts sa natad sa geriatrics, adult medicine ug infectious disease.
Kini ang gitahasan sa pagpahigayon og mga pagtuon sa matala nga serious ug minor cluster AEFI cases, mmagpahigayon og mas lawum nga pagtuki ug evidence-based causality assessment.
Sa pikas bahin gibutyag usab sa opisyal nga anaa na sa kinatibuk-ang 120,000 ang nabaunahan na sa syudad o 10porsyento gikan sa the total target individuals sa 1.2 million aron makab-ot ang “herd immunity.”
Subay usab sa datus gikan sa Department of Health (DOH)-Davao, ang syudad nakadawat na og 688,350 vaccines, lakip ang 210,600 doses sa Pfizer-BioNTech ug 44,800 additional doses sa CoronaVac o Sinovac.
