HIMAS puthaw sa selda sa kapulisan ang usa ka construction worker nga gitudlong nanglugos sa ‘step daugher’ nakalabay’ng tuig.
Sa rekord gikan sa mga pulis, alas-10 sa buntag Huwebes nasikop nila si Wilfredo Directo Jr., alyas Jun-jun, 41-anyos, taga P.I 16, Barangay City Heights, GenSan.
Dungan sa pagsilbi sa warrant of arrest sa kasong pagpanglugos nga gipirmahan ni Judge Jose Blanza sa family court sa GenSan.
Wala sumala pa’y girekomendang pyansa nag korte alang sa temporaryong gawasan sa nahisgotang dinakpan.
Kahibaloan nga gikan Lunes pipila na kaindibidwal nga nag-atubang og kaso ang nasikop sa kapulisan sa dakbayan. ( Richel Gubalani)
