Ku Enero, kapin sa 90.9 percent ro employment rate sa Western Visayas.
Tumaas raya it 92.5 percent it Abril base sa datus it Philippine Statistics Authority (PSA).
Pila sa mga rasun hay ro pag-operate it pampublikong transportasyon ag uman nga pagbukas it mga establisyemento komersyal nga nagsara kato bangud sa covid-19 pandemic base sa Department of Labor and Employment (DOLE) Region 6.
Madumduman nga ro rehiyon hay ginbutang sa idaeum it Modified General Community Quarantine (MGCQ) ku Hunyo it nagtaliwan nga dag-on.
Bangud kara, amat-amat nga ginapasugtan ro mga opisina it gobyerno, restaurant, agrikultura, forestry ag fisheries nga amat-amat nga nagpadayun pati eon ro public transport.
Samtang, ro unemployment rate ku Enero it rayang dag-on hay kapin sa 9.1%.
Nagnaba raya sa 7.5 % ku Abril, base gihapon sa rekord it PSA. / ANN DESLENE SALAZAR
