BICOL—Nagbukas liwat nin panibagong isolation facility an lokal na gobyerno kan syudad nin Legazpi para sa mga tinatamaan nin COVID-19.
Ini makalihis an naging apelar kan Department of Health (DOH) Bicol sa mga LGU na akoon na kan mga ini an mga pasyenteng asymptomatic asin may mild asin moderate na kondisyon.
Apwera sa enot nang pagdesignar sa Legazpi City Hospital bilang quarantine facility, binuksan na man kan LGU an Legazpi City Science High School bilang dugang na pasilidad.
Igwa pa nin 30 kwarto kan sarong hotel an gagamiton na man bilang isolation facility.
Sigun ki alkalde Noel Rosal, bako madali an pagbukas nin mga bagong isolation facilities huli ta bako sana man iyan basta building kundi kaipuhan man nin mga tawong mamonitor asin mga kagamitan siring kan oxygen, thermal scanner, pagkakan asin iba pa.
Sa ngunyan, dangadang 500 an aktibong kaso kan helang sa syudad kun kaya pigduunan kan alkalde na kaipuhan nanggad i-aktibar an mga dugang na siolation facilities lalo pa ta an Bicol Regional Training and Teaching Hospital (BRTTH), mapapano na.
Katakod kaini, pigsierto kan alkalde an siguridad kan mga ipigbugtak na quarantine facility urog ta may enot nang naireport na insidente nin suboot panlulugos sa sarong naka quarantine.###
