Sa kabila ng ugong noong nakaraang linggo na may destabilisasyon sa liderato ng kamara, sinamahan pa ni Deputy Speaker Gloria Macapagal Arroyo si Pampanga 3rd district Rep. Aurelio “Dong” Gonzales Jr. sa panunumpa nito kanina bilang bagong House Senior Deputy Speaker.
Si Gonzales ay opisyal na nanumpa sa tungkulin sa harap nina House Speaker Martin Romualdez at Arroyo.
Bago manumpa, personal na sinundo ni Gonzales si Arroyo , bagay na pinalakpakan ng mga mambabatas.
Nagmano pa si Gonzales kay Arroyo at nagpalitrato ang tatlo.//CA
