Kapin 32 mil kantidad sa gituohang shabu ang naharang sa Task Force Davao ug Davao City Police Office alas-6 sa buntag niadtong Sabado sa AFP-PNP Border Control Point sa Lasang, Bunawan, Davao City.
Giila sa otoridad ang suspek nga si Usman Catuyo Abubacar, 41 anyos, minyo ug residente sa Prk 12, Brgy Sirawan, Toril, Davao City, sakay sa Public Utility Bus pasulod dinhi sa syudad sa Davao.
Nakuha sa iyang posisyon ang usa ka sachet sa gidudahang shabu nga mutimbang sa kapin kon kulang 2.03 grams nga gibana-banan nga dunay street value nga Php 32,480.00.
Kahinumdoman nga sunod-sunod na ang naharang sa maykalambigitan sa iligal nga druga sa tanang border control points sa syudad nga nagpasabot lamang sa mas gipahugtan pang checkpoint operations sa safety and security cluster sa dakbayan sa Davao.
Samtang anaa na sa kustodiya sa Bunawan Police Station ang nasangpit nga suspek og gikatakdang pasakahan og kasong kalapasan sa RA 9165 kon Comprehensive Dangerous Drugs Act of 2002.
