CAMARINES NORTE- Arestado ang 27 indibidwal matapos masakote sa ikinasang Simultaneous Anti-Criminality Law Enforcement Operation (SACLEO) on Illegal Gambling ng mga kapulisan sa iba’t-ibang bayan sa lalawigan ng Camarines Norte mula May 10-16, 2023.
Labing tatlong operasyon ang matagumpay na ikinasa kontra iligal na sugal na kinabibilangan ng E-Sabong, Tupada, Tong-its, Bookies (STL) at iba pang uri ng iligal na sugal.
Dalawa sa mga naaresto ay operator, isang financier, 18 bettor, 6 na collector na umabot sa kabuoang 27 indibidwal.
Nakumpiska naman ang nasa Php 15,269.00 bet money mula sa mga naarestong personahe.
Sa kasalukuyan, ang mga naarestong personahe ay kasalukuyang nakakustudiya sa himpilan ng mga umarestong kapulisan.
