PADAYON ang pagsaka sa gituohang kaso sa dengue sa GenSan sa pagsugod pa lang sa tuig, nakatala na og pagsaka gikan sa 160 cases atong 2022 sa samang panahon.
Sa datus sa City Health Office misaka og 5005 ang kaso dengue hemorrhagic fever, tandi sa datus atong Enero hangtud Mayo atong 2022 sa susamang panahon. Sa dokumento gikan sa buhatan, nakatala sila og 962 ka kaso karong tuiga.
Matud ni Dr. Lalaine Calonzo, acting city health officer, dili angayang ikabalaka ang datus. 614 ang naospital samtang unom ang namatay.
Dugang ni Calonzo, dili angayang mabalaka ang publiko tungod wala gideklara sa Department of Health nga dengue outbreak area ang GenSan. I Richel Gubalani
