Nagpahigayon ug surprise drug test ang Provincial Forensic Unit sa mga personnel sa Cebu Police Provincial Office kagahapong adlawa, Mayo 11.
Niabot sa 222 ka mga pulis ang gipa-ubos sa kinalit nga drug test.
Nasayran nga kini kabahin sa programa sa Philippine National Police nga internal cleansing sa kapulisan.
Matud ni CCPO Deputy Provincial Director for Operations P/Lt/Col Mark Gifter Sucalit nga taktakon dayon sa pwesto ang pulis nga magpositibo sa paggamit og iligal nga drogas.
Una niini kapin sa usa ka gatos ka sakop sa ubang police stations sa CCPO ang gipaubos na sa surprise drug test niadtong adlaw’ng Lunes.//
