Arestado ang wanted person nga isa ka mister matapos ginserbihan sang mandamiento de aresto sang mga kapulisan sa Barangay Talon, Roxas City.
Ginkilala ang arestado kay Shaddam Ramos Atinado, 41-anyos kag residente sa nasambit nga barangay.
Si Atinado ang nagapangatubang sang kaso nga qualified theft.
Ang warrant of arrest ang gin-isyu ni Hon. Judith D. Orendain-Tonogbanua, Presiding Judge, Branch 20, RTC Mambusao, Capiz napetsahan Mayo 8, 2023.
Ginrekomendar sang korte ang piyansa nga P24, 000 para sa temporaryo nga kahilwayan ni Atinado.
Natigayon nga maaresto ang suspek pinaagi sa gintingub nga pwersa sang Sigma Municipal Police Station, Provincial Intelligence Unit, Ivisan Municipal Police Statio, kag Roxas City MPS.
Sa karon, nagapabilin ini sa kostudiya sang kapulisan para sa nagakaigo nga disposisyon. | KMD Gicalde
