Nagpaabot sang daku nga pagpanginbulahan ang Local Government Unit sa banwa sang Jamindan sa mga Jamindanganon Athletes nga nagpasakop sa Western Visayas Regional Athletic Association (WVRAA) sadtong April 26-30, 2023 sa probinsya sang Aklan.
Ang mga ini amo ang Football Secondary Boys (Jamindan NHS) – Bronze Medalist; Football Elementary Boys (Camp Jamindan ES) – Bronze Medalist; Mishel Zonio- Silver Medalist, 1500M run kag Rizel Zonio – 4th place sa 3000M run lunsay mga estudyante sang Manuel Ganzon Advincula Integrated School.
Ginkalipay man sang mga opisyales sang banwa sa pagpanguna ni Mayor Mac Valdemar ang katutom kag kadalag-an nga gindala sang mga kabataan batuk sa ila kasumpong nagikan sa nagkalain-lain nga probinsya sa rehiyon.
